Mae Gwobrau Elusennau Cymru 2025 bellach ar agor ar gyfer enwebiadau
Mae Gwobrau Elusennau Cymru yn ôl! Mae’r gwobrau, a drefnir gan CGGC, yn cydnabod a dathlu’r cyfraniad gwych y mae elusennau, grwpiau cymunedol, cwmnïau nid-er-elw a gwirfoddolwyr yn ei wneud i Gymru drwy amlygu a hyrwyddo’r gwahaniaeth positif y gallwn ni ei wneud i fywydau ein gilydd.
Cymerwch ran yng Ngwobrau Elusennau Cymru i roi sylw i’ch hoff fudiad gwirfoddol neu wirfoddolwr a rhoi’r cyfle iddynt gael ychydig o gydnabyddiaeth haeddiannol a noson i’w chofio! Hyd yn oed os na fydd yn cyrraedd y rownd derfynol, mae cael eu henwebu am wobr yn dangos i fudiad neu unigolyn fod eu gwaith yn cael ei werthfawrogi ac yn gwneud gwahaniaeth enfawr.
Y CATEGORÏAU
Mae wyth categori yng Ngwobrau Elusennau Cymru eleni:
· Gwirfoddolwr y Flwyddyn (26 oed a hŷn)
· Gwirfoddolwr Ifanc y Flwyddyn (25 oed ac iau)
· Codwr arian y flwyddyn
· Hyrwyddwr amrywiaeth
· Defnydd o’r Gymraeg
· Mudiad bach mwyaf dylanwadol
· Iechyd a lles
· Mudiad y Flwyddyn
CYMRYD RHAN Mae enwebu rhywun yn hawdd, ewch i wefan Gwobrau Elusennau Cymru, darllenwch y rheolau a llenwi’r ffurflen ar-lein.
Y dyddiad cau ar gyfer enwebiadau yw 30 Mehefin 2025. I gael rhagor o wybodaeth ac i enwebu, ewch i www.gwobrauelusennau.cymru. Mae Gwobrau Elusennau Cymru yn bosibl diolch i’n prif noddwr Y Brifysgol Agored Cymru a noddwyr y categorïau eraill.