Perthynas y sector gwirfoddol â'r llywodraeth – trydedd don Baromedr Cymru bellach ar agor
Mae etholiad y Senedd 2026 yn dod â newidiadau hanesyddol – Senedd estynedig, system etholiadol newydd a mwy o wynebau a phleidiau newydd nag yr ydym wedi'u gweld erioed. Mae'r berthynas rhwng mudiadau gwirfoddol a phob lefel o lywodraeth yn rhan bwysig o ddarparu gwasanaethau.
Mae Arsyllfa VCSE a CGGC yn lansio Ton 3 o Baromedr Cymru - yr arolwg dwyieithog, chwarterol newydd ar gyfer y sector gwirfoddol yng Nghymru - ac maent yn awyddus i gasglu eich barn.
Dwyn y llywodraeth i gyfrif
Mae'r don hon yn sefydlu llinell sylfaen i’w holrhain dros amser i nodi a yw mudiadau gwirfoddol o'r farn bod gwahanol lefelau llywodraeth yn ymddwyn mewn ffyrdd sy'n adlewyrchu egwyddorion y Cyfamod Cymdeithas Sifil newydd.
Yng Nghymru, mae ei egwyddorion o gydnabyddiaeth a gwerth, partneriaeth a chydweithio, cyfranogiad a chynhwysiant, a thryloywder a data yn ategu'r Cynllun Trydydd Sector hirsefydlog.
Cymryd rhan
Bydd Ton 3 Baromedr Cymru yn fyw rhwng 29 Ebrill a 20 Mai ac mae'n cynnig cyfle i fudiadau gwirfoddol droi profiad bywyd yn dystiolaeth ar y cyd.
✅ Os byddwch yn cymryd rhan, byddwch yn cael:
· Adroddiad Mewnwelediad byr i wirio eich profiad yn erbyn y sector ehangach
· Mynediad at adroddiad llawn gyda chanfyddiadau
· Gwahoddiad i weminar am ddim ar ganlyniadau a goblygiadau ymarferol
📝 Cymerwch ran yma: Ton 3 – dim ond 15 munud bydd yn ei gymryd.
📊 Bydd pob cyfranogwr yn derbyn Adroddiad Mewnwelediad Unigol. Edrychwch ar yr adroddiad enghreifftiol!
Yr hyn y bydd ton 3 yn ei ystyried
Bydd Ton 3 yn archwilio:
• Beth yw eich profiad gyda gwahanol lefelau llywodraeth?
• I ba raddau mae eich perthnasoedd yn adlewyrchu egwyddorion y Cyfamod Cymdeithas Sifil yn ymarferol?
• Beth yw eich blaenoriaethau, eich disgwyliadau a'ch pryderon ar gyfer y Senedd newydd?
Trwy rannu eich profiad, byddwch yn helpu i greu sylfaen dystiolaeth gadarn sy'n gallu olrhain newid dros amser a llywio polisi, cyllid a chymorth y sector.